Senlaboreco
"Generala frustracio": Tridekjarulo konfesas ĵeton de lignobloko
Senlaborulo malsatmortigis sin
Ĉasistoj malkovris mumiiĝintan mortinton sur alta embuskosidejo / la lanta mortado notita en taglibro
Uslar, Germanio. Li ne venenigis sin, li ne ĵetiĝis antaŭ
trajnon kaj ne kaptis al armilo. 58-jara senlaborulo el Hanovro sur
alta embuskejo en la proksimo de Uslar (Malsupra Saksio) konscie
mortigis sin. La deziro morti estis efektive tiom forta, ke li eltenis
tie dum semajnoj soifon, malsaton kaj dolorojn kaj rezistis al ĉiuj
tentoj reveni en la vivon. Liajn lastajn semajnojn la viro dokumentigis en sia taglibro.
La persona tragedio okazis en
idilia ĉirkaŭaĵo. Alta embuskejo, kiom ekzistas centoj da ili en la
meza montaro Solling , ne tre fore de travivaĵa arbara vojo ĉe la
forpermesa loko Uslar. " Jen certe multaj promenantoj preterpasis,
diras ĉasparcelisto Hubert Hennecke. "Sed rimarkis neniu ion. " Ankaŭ
li mem ne divenis, ke kuŝis sur lia alta embuskejo dum du monatoj
mortinto. Nur ĉaskolegoj malkovris la mumiiĝintan mortinton, kiam ili
vendrede volis ripari kelkajn
aĉajn bretojn. La senlaborulo, de tio eliras la polico, finis sian
vivon per rifuzo de nutraĵoj. Krimon la polico ekskludas.
Kio efektive instigis la 58-jarulon morti en la arbaro la libervolan
malsatmorton, la kriminaloficistoj ne eltrovos tute detale - ĉar, se ne
temas pri mortiga delikto oni ne plu esploras. Sed ili povas diveni
tion. Policparolisto Uwe Falkenhain konfirmis hieraŭ informojn de la
Ĝenerala Gazeto de Solling, ke la senlaborulo en siaj lastaj
vivsemajnoj skribis taglibron, kiu estis trovita apud la mortinto,
kuŝanta sur matraco.
El la libreto, volvita en blua plastiko, konstateblas, ke la pli frua
eksterdoma deĵoristo jam pli longe estis senlabora. Lia geedzo
malsukcesis, lia plenkreska filino laŭdire forneis lin. Ekde oktobro li
ne plu ricevis senlaboristan monon. Li devis malplenigi sian loĝejon.
Li estus povinta petskribi pro ŝtata subteno Hartz IV, sed li ne faris
tion. En tiu situacio la 58-jarulo iam en la malfrua aŭtuno veturis kun
la biciklo sur la vojon pli ol cent kilometroj longan de Hanovro ĝis
Solling. En la taglibro legeblas, ke la viro troviĝis sur la alta
embuskejo minimume tri semajnojn kaj ne manĝis. Li nur trinkis de tempo
al tempo iom da akvo. En lia taglibro li raportis pri doloroj kaj pri
tio, ke li ne plu volas vivi.
Unufoje, ankaŭ tio legeblas en la surskriboj, la 58-jarulo preskaŭ
estis malkovrata. Infaneto volis grimpi sur la altan sidejon, sed estis
retrovokita de sia patro. Iam antaŭ Kristnasko la viro tiam mortis. La
lasta taglibra noto devenas de la 13-decembro de2007. La taglibron oni
nun sendas al lia filino. La viro en la taglibro estis petinta pri tio.
Laŭ Matthias Brunnert, dpa, tradukis Donjo & Cezaraperis en Karapaco-Panoramo: Senlaborulo malsatmortigas sin
Embuskeja taglibro tre avidata
La sepulto de la 58-jara malsatiginto el Hanorvo okazos evidente sur la
maro. La filino Joana tiel decidis tion tiel laŭ raporta de la gazeto
„Hessisch/Niedersächsische Allgemeine“ Je ddp-demandojj la filino
rifuzis respondi ion, ĉar ŝi ne volas paroli pri ŝia patro.
La filino, kiu vivas ĉe Ahrensbök proksime de Lübeck laŭ la gazeto jam dum jaroj ne plu havis kontakton al la patro. Kiel medioj raportas ŝi ricevis intertempe jam ofertojn kvinciferajn por la taglibro, kiun la patro postlasis al ŝi.
En sia taglibro la viro raportis precize pri siaj doloroj kaj kiel efikis lia diabeto pro manko de sukero, kiuj internaj organoj laŭ lia pritakso iom post iom ĉesis funkcii kaj kiel lia haŭto elsekiĝis.
Arestordono pro murdo post polica serĉada sukceso
"Ĝenerala frustracio":Tridekjarulo
konfesas ĵeton de la lignobloko
Oldenburg (dpa). Ĉirkaŭ du monatojn post la mortiga lignoblokatako de
sur aŭtovojponto ĉe Oldenburg la polico hieraŭ arestis
deliktsuspektaton. La tridekjara viro, kiu troviĝas en aresto pro
esploro konfesis la agon, sciigis la ŝtatprokuroroo kaj la polico je la
vespero. Oni kulpigas lin pri murdo kaj konscia danĝera enmiksiĝo en la
strattrafikon. Laŭ tio la tridekjarulo je paskodimanĉo ĵetis ses
kilogramojn pezan lignoblokon de la ponto, kiu trabatis la antaŭan
glacon de aŭto kaj ĉe tio mortigis duoblan patrinon (33-aĝa) antaŭ la
okuloj de ŝia familio.
Kiel motivo por la delikto Nikolai H. klarigis "ĝeneralan frustracion",
diris la estro de la precipa komisiono "ponto", Rainer Gerke en
gazetara konferenco en Oldenburg. Nikolai H. antaŭe anonciĝis kiel
atestanto kaj pli poste interplektiĝis en kontraŭdirojn.
La viro "plenamplekse konfesis" la delikton, diris Gerke. Li vivas de
dek jaroj en la komunumo Rastede ĉe Oldenburg. Laŭdire li estas "dure
dependa de drogoj"ka pro posedodeliktoj konata al la polico. La
deliktsuspektato, kiu laŭdire estas veninta antaŭ 16 jaroj el Kazaĥio
kaj posedas la german ŝtatanecon mallonge post lia lerneja fina
ekzameno plurfoje laboris kiel simpla laboristo, sed li ja ne havas
profesian klerigon. Li vivas en sole staranta domo en Rastede. Sur la
parcelo de la viro laŭ indikoj de la ĉefa prokuroro de Oldenburg,
Roland Herrmann, oni trovis plurajn lignoblokojn, inter ili ankaŭ
poplolignojn. Terprovaĵoj de la parcelo de la viro estas identaj kun
"sabloalkroĉiĝoj", kiujn oni trovis sur la lignobloko sur la delikta
loko.
Multnombraj indikaĵoj kondukis al tio, ke oni jam marde petis pri arestordono kontraŭ la tridekjarulo, diris Herrmann.
La deliktsuspektato anonciĝis je la kvina de aprilo ĉe la polico, du
tagojn post kiam oni "raportis en la medioj pri la temo amasa
gentesto", diris la ĉefo de la policejo Oldenburg/urbo Ammerland,
Johano Kühme. Je tiu tempo li detale klarigis sian version, ke li
mantuŝis la lignoblokon por forigi ĝin de la bicikla vojo. "Ni havis
dekomence la suskepton, ke li eble povus esti implikta en la delikton",
emfazis la estro de la precipa komisiono Gerke. La suspektato diris, ke
li bedaŭras la delikton. Pri la antaŭaj punoj diris Gerke, ke la viro
unufoje enprizonis dum jaro kaj duona. Li ofte konfliktiĝis kun la leĝo
pro malgravaj posedodeliktoj, ĉe tio plej ofte temis pri "simpla
ŝtelado".
"Peco da ŝarĝo falis de niaj ŝultroj post ok semajnoj da intensaj
esploroj", diris Kühme. Post atakema laboro en la publikeco, ĉe la
precipa komisono "ponto", atestantoj faris iomete pli ol sepcent
indikojn. Kühme dankis al la loĝantaro pro la subteno.
La hororsceno de paskodimanĉo ŝokis tutan Germanion kaj disvastigis
timon inter aŭtoveturigistoj. Samtempe ekde la tragedio vico de
imitdeliktuloj en Germanio huliganis. Reprezenta enketo de la
opiniesplora instituto Forsa montriĝas, ke rekte poste la mortiga atako
sesdek procentoj de la demandatoj havis timon pro atakoj de sur pontoj
aŭtovoje.
tradukis Donjo & Cezar