Kolekto de

aforismoj

(fare de Cez & Donjo)

aĝo

Ju pli oni aĝiĝas des pli oni similas al si mem.
(Luciano Pavarotti, itala kantisto)

amo

La amo estas la triumfo de la imago pri la intelekto. (Henry Louis Mencken, usona ĵurnalisto kaj verkisto, 1880-1956)

animo

Mi dissekciis tiom da mortintoj, sed animon mi vidis neniam. (Rudolf Virchow, germana patologo, 1821-1902)

araneo

Oni supozas, ke ino senmove eltenas, ĝis oni klopodas pri ŝia favoro. Tiel la araneo atendas muŝon. (Georg Bernard Shaw, anglo-irlanda verkisto (1856-1950)

arto

Arto estas mensogo, kiu montras al ni la veron. (Pablo Picasso, hispana pentristo, 1881-1973)

aŭto

Rapida aŭtoveturanto estas aviadilisto, kiu flugas tro malalte. (Jean Paul Belmondo, franca aktoro, nask. 1933)

bankiero

Bankiero estas homo, kiu ludonas ombrelon kaj tuj volas rehavi ĝin, kiam ekpluvas. (Mark Twain. Usona verkisto, 1835-1910)

bonfarto

Nur kiu vivas bonfarte, malŝate kritikas la bonfarton. (Ludwig Marcuse, germana publicisto, 1894-1971)

celo

Oni atingas sian celon nur, se oni ne devas atingi ĝin. (Franziska von Almsick, germana naĝistino, nask. 1978)

cinikismo

Cinikismo estas la sukcesa provo vidi la mondon tia, kia ĝi estas. (Jean Genet, franca verkisto, 1910-1986)

edzino

La tasko unua de juna edzino estas tiu: per sia kuirado fuĝigi la amikojn de sia edzo. (Micheline, franca aktorino, nask. 1922)

elspezoj

„Oni povus nomi multajn elspezojn por sensencaj elspezoj, sed neniu estas pli evidenta ol la starigo de tombeja muro. Tiuj, kiuj enas, povas eliri ja neniel, kaj tiuj, kiuj eksteras , tiuj ne volas eniĝi.“

fantazio

Fantazio estas pli grava ol scioj. (Albert Einstein, germana fizikisto, Nobel-premiito, 1879-1955)

frenezulo

Je frenezulo timigas nin plej multe la prudenta maniero, kiel ili parolas.(Anatole France, franca verkisto, 1844-1924)

fremduloj

Fremduloj ni estas ĉiuj surtere. (Franz Werfel, aŭstria verkisto (1890-1945)

gazeto

La gazeto estas la konservujo de la tempo. (Karl Kraus, aŭstria verkisto, 1874-1934)

Tiom longe, kiom oni ne povas mortbati muŝon per televidilo, ĝi ne povas anstataŭi la gazeton. (Manfred Rommel, germana politikisto, nask. 1928)

geedzeco

Ne estas io pli nobla kaj admirinda ol tio, se du homoj, kiuj bone komprenas sin, spite al la ĉagreno de la malamikoj kaj je la ĝojo de siaj amikoj kunvivas kiel viro kaj ino. (Homero, greka verkisto, oka jarcento antaŭ Kristo)

ĝentileco

Ĝentileco estas la sekura distanco, kiun prudentaj homoj ne transpaŝas.(Maurice Chevalier, franca kantisto kaj aktoro,1888-1972)

gepatroj

Ankaŭ en reĝa domo oni lernas kiel la simioj lernas; per tio, ke oni observas la gepatrojn. (la brita kronoprinco Charles, nask. 1948)

grando

Grandaj homoj kutime nek estas grandaj nek homoj. (Werner Mitsch, germana aforismisto, nask. 1936)

heroo

Heroo oni povas esti ankaŭ sen dezertigi la teron. (Nicolas Boileau-Despreaux, franca verkisto, 1663-1711)

historio

Ne fusilkugloj kaj generaloj faras la historion, sed la amasoj. (Nelson Mandela, sudafrika politikisto kaj Nobel-premiito)

honoro

Estas pli bone esti honorinda nehonorito ol honorita nehonorindulo.(Mark Twain, usona verkisto, 1835-1910)

hundo

Hundo spegulas la familion. Kiu vidis iam viglan hundon en grumbla familio aŭ malĝojan en feliĉa? Grumblaj homoj havas grumblajn hundojn, dangeraj homoj, danĝerajn. (Arthur Conan Doyle, angla verkisto, 1859-1930).

ineco

Se la viro ne rajtas evoluigi sian inecon, li fariĝas kvareĝa ŝraŭbŝlosilo.(Marianne Sägebrecht, germana aktorino, nask. 1945)

infero

La infero, tio estas ni mem. (T.S. Eliot, angla verkisto , 1888-1965)

La vojo al la infero estas pavumita per bonaj intencoj. Dante

inoj

La vivo sen inoj estus teda kaj sen enhavo. Sed kial Dio donis al ili la parolkapablon? Se ili estus mutaj, oni povus ami ilin multe pli. (Gerard Depardieu, franca aktoro, nask. 1948)

Inteligentaj inoj havas milionojn de malamikoj: la stultajn virojn. (Renate Schmidt, germana politikistino, nask. 1943)

Tiom longe, kiom la ungolako ne sekiĝis, ino fakte estas sendefenda. (Burt Reynolds, usona aktoro, nask. 1936)

ĵaluzo

Ĵaluzo entenas pli da memamo ol amo. (Francois de La Rochefoucauld, franca verkisto 1630-1680)

komiko

Nenio estas pli komika ol la malfeliĉo (de la aliaj kompreneble). Samuel Beckett, irlanda verkisto kaj Nobel-premiito, 1906-1989

komputilo

La malsimpatia je komputilo estas, ke ĝi povas diri nur "jes" aŭ "ne", sed ne "eble"(Brigitte Bardot, franca aktorino, nask. 1934)

kredo

La kredo pri pli bona futuro estas la plej potenca malamiko de la nuna libero. (Aldous Hŭley, brita verkisto (1894-1963)

kverelo

Kverelo inter negocaj partneroj estas pli terura ol eksedziĝo. (Gerd Bucerius, german eldonisto (1906-1995)

laboro

Pravas, ke la laboro ankoraŭ neniam iun mortigis. Sed kial riski ĝin? (Ronald Reagan, 40-a prezidanto de Usono, nask. 1911)

malamo

La malamo estas amo, kiu malsukcesis. (Soeren Kierkegaard, dana teologo kaj filozofo, 1813-1855)

malamikoj

Amu viajn malamikojn, ĉar ili diras al vi viajn erarojn. (Benjamin Franklin, usona sciencisto kaj ŝtatoficisto, 1706-1790)

malfeliĉo

Malfeliĉo fariĝas feliĉo, se oni jesas ĝin. (Hermann Hesse, germana-svisa verkisto kaj Nobel-premiito, 1877-1962)

melankolio

Melankolio estas la plezuro esti malĝoja. (Victor Hugo, franca verkisto, 1802-1885)

mensogo

La mensogo estas kiel neĝbulo, ju pli longe oni forrulas ĝin, despli granda ĝi fariĝas. (Martin Luther, germana reformatoro, 1483-1546)

mezkvalito

Estas pura disipo de tempo fari ion mezkvalitan. (Madonna, usona kantistino kaj aktorino, nask. 1958)

miro

Oni miru pri tio, ke oni ankoraŭ povas miri pri io. (Francois de La Rochefoucauld, franca verkisto, 1613-1680)

mino

Libroj estas nura rubaĵo. La esenco estas la renkontiĝo kun la lingvo. La verkisto estas minmetiisto: Li jam troviĝas en aliaj marregionoj, se la minoj eksplodas. (Ernst Jünger, germana verkisto kaj filozofo, 1895-1998)

modo

Modo estas la imito de tiuj, kiuj volas diferencigi sin, de tiuj, kiuj ne diferenciĝas.(Karl Lagerfeld, germana modisto, nask. 1938)

mortbato

Oni povas mortbati homon same tiel bone per loĝejo kiel per hakilo. (Heinrich Zille, germanan desegnaĵistio, 18858-1929)

movado

Movado, kiu limiĝas je filozofoj kaj honoruloj, neniam vere povas gajni politikan influon. Estas maltro da ili. (George Bernard Shaw, anglo-irlanda verkisto kaj Nobel-premiito, 1856-1950)

morto

La unua kondiĉo de la senmorteco estas la morto. (Stanislaw Jerzy Lec, pola peto kaj satirikisto, 1909-1966)

murdo

Sendube okazis perfektaj murdoj; alikaze oni scius ja ion pri ili. (Alfred Hitchcock, brita filmreĝisoro, 1899-1980)

negocoj

La poeto konstruas aerajn kastelojn, la legantoj loĝas en ĝi kaj la eldonisto enkasigas la lupagon. (Maksim Gorkij, rusa verkisto, 1868-1936)

nomo

Nomon oni havas, se oni devas forlasi la titolojn, ĉar ili malgrandigus.(Sigmund Graff, germana verkisto (1898-1979)

nulo

Jam la matematiko montras, ke oni ne neglektu la nulojn. (Gabriel Laub, pola-ĉeĥa verkisto, nask. 1928)

oldiĝo

Oldiĝantaj homoj estas kiel muzeoj: Ne la fasado gravas, sed la trezoroj interne. (Jeanne Moreaŭ, franca aktoro, nask. 1928)

paco

Erinaco estas la bildo de armita paco. (Wilhelm Busch, desegnísto kaj verkisto, 1832-1908)

pago

La kapablo, kiun la homoj plej ŝatas, estas la pagokapablo. (Oskar Blumenthal, germana verkisto (1852-1917)

pardono

Neniam la mondo povas pardoni al tiuj, kiuj ne kulpas. (Stanislaw Jerzy Lec, pola lirikisto kaj satiristo, 1909-1966)

patrino

Ĉiuj inoj fariĝas kiel siaj patrinoj, tio estas ilia tragedio. Neniu viro fariĝas kiel lia patrino, tio estas lia tragedio.
(Oscar Wilde, irlanda verkisto, 1854-1900)

petolemo

La malserioza petolemo estas protesto kontraŭ la firme starigita kaj mense obtuziga ordo de la mondo, ribelo de la homa animo kontraŭ la prizono, kiun ĝi mem konstruis al si. (Peter Bamm, germana verkisto, 1897-1975)

profesio

Profesio estas la spino de la vivo. (Friedrich Nietzsche, germana filozofo, 1844-1900)

profito

La profitoj kreskas, sed la homoj falas. F.W.Seiwert

progreso

La memkonteteco estas la ĉerkkovrilo de ĉia progreso. (Philip Rosenthal, germana entreprenisto, nask. 1916)

prudento

Prudento sen sento estas malhumana, sento sen prudento estas stulteco. (Egon Bahr, germana politikisto, nask. 1922)

respondeco

Estas multaj vojoj fuĝi respondecon, fuĝo en la morton, fuĝo en malsanon kaj fuĝo en la stultecon. La lasta vojo estas la plej sekura kaj plej simpla, ĉar eĉ inteligentaj homoj pli proksimas al tiu celo, ol oni supozus. (Arthur Schnitzler, aŭstria verkisto, 1862-1931)

revo

Se iu sole revas ion, restas revo. Sed, se ni ĉiuj kune revass tiun revon, jen ĝi fariĝos reala. (Helder Camara, brazila teologo, nask. 1909)

revolucioj

Revolucioj estas la lokomotivoj de la historio. (Karl Marx, germana filozofo kaj ekonomo, 1818-1883)

saĝo

Ĉiu saĝo estas lanta. (Christian Morgenstern, germana verkisto (1871-1914)

spegulo

La plej horora eltrovo esta la spegulo. De kie la homoj prenas la forton, rigardi sur ĝin? (Brendan Behan, irlanda dramisto, 1923-1964)

sperto

Necesas sperto al tio kisi kvazaŭ kiel komencantino. (Zsa Zsa Gabor, hungara usonana aktorino, nask. 1917)

Sperto estas la sola lernejo, en kiu ankaŭ stultuloj povas lerni ion. (Georg Christoph Lichtenberg, germana fizikisto kaj verkisto, 1742-1799)

suno

Estas pentristoj, kiuj transformas la sunon en flavan makulon. Estas aliaj, kiuj danke al la arto kaj la intelekto, transformas flavan makulon en sunon. (Pablo Picaso, hispana pentristo, 1881-1973)

ŝuoj

La ŝufabrikantoj faras inajn ŝuojn, por ekstariĝo, sed male al tio ni ja bezonus ŝuojn por forkuri. (Alice Schwarzer, germana feminista ĵurnalistino, nask. 1942)

timo

Ne estas limoj. Ne por la pensoj, ne por la sentoj. La timo faras limojn. (Ingmar Bergmann, sveda reĝisoro, naskita 1918)

trodikeco

Diki estas mondkoncepto. (Kurt Tucholsky, germna verkisto, 1890-1035)

turistoj

La plej multaj turistoj estas kiel junaj hundoj. Ili priflaras ĉion, sed lernas malmulte ĉe tio. (Ernst R. Hauschka, germana aforismisto, nask. 1926)

vegetaranoj

Se buĉfabrikoj havus vitrajn murojn, ĉiuj homoj estus vegetaranoj. (Paul Mc Carthney, angla muzikisto, nask. 1942)

vero

La posedo de la vero ne estas terura, sed teda, kiel ĉiu posedo. (Friedrich Nietzsche, germana filozofo, 1844-1900)

Mi neniam kredis la potencon de la vero. Sed estas jam multe, se oni scias, ke ĉe samaj kondiĉoj la vero pli fortas ol la mensogo. (Albert Camus, franca verkisto kaj Nobel-premiito, 1913-1960)

vesto

La pulovro inon vestas bone, se la viroj ne plu povas spiri. (Zsa Zsa Gabor, hungara usonana aktorino, nask. 1917)

viro

Edziĝinta viro povas fari, kion li volas, se lia edzino permesas tion. (Georg Bernard Shaw anglo-irlanda verkisto kaj Nobel-premiito, 1856-1950)

La viroj sendube estas pli stultaj ol la viroj. Aŭ oni jam iam aŭdis, ke ino edziniĝis pro la belaj gamboj? (Micheline Presle, franca aktorino, nask. 1922)

La moderna virino konas la diferencon inter aŭtopneŭo kaj viro. Pneŭo devas havi almenaŭ milimetron da profilo, viro ne. (Lis Fitz, germana aktorino, naskita 1951)

La mondo estas plena de viroj, kiuj estas mutaj sen scii tion. Ili parolas, kvankam ili ne havas ion por diri, kaj ili aŭdas, sen kompreni. Kiom da malfeliĉaj inoj devas vivi kun tiaj viroj! (Juliette Greco, franca kantistino, nask. 1927)

Vere granda viro nek distretas vermon, nek rampas antaŭ imperiestro. (Benjamin Franklin, usona ŝtatoficisto kaj sciencisto, 1706-1790)

virino

La logiko de virino baziĝas sur la konvinko, ke nenio neeblas. (Maurice Chevalier, franca kantisto kaj aktoro, 1888-1972)

Virino pardonas neniam, se ŝi devas pardoni ion. (Maria Schell, aŭstria aktorino, nask. 1926)

virtoj

Al kelkaj homoj mankas nur kelkaj malvirtoj, por esti perfektaj.(Marie de Sevigne, franca verkistino,1626-1696)

vivo

La familia vivo estas atako kontraŭ la privata vivo. (Karl Kraus, aŭstria verkisto, 1874-1936)

La vivo estas simple unu damnita afero post la alia. (Elbert Hubbard, usona eseisto, 1856-1915)

vodko

Vodko faras el ĉiuj homoj rusojn. (Ivan Rebroff, germana kantisto, nask. 1931)

vorto

Sola vorto povas montri la ĝustan vojon. Dua maltrankviligas, tria panikigas. Ekde la kvara regas absoluta konfuzeco. (Eugene Ionesco, franca dramisto, 1909-1994)